Paschim News

  • पश्चिमन्यूज संवाददाता प्रकाशित : २०७६/८/९ गते
    ८२ पटक
    काठमाडौं ।

    मर्निङवाकमा रहेका डाक्टरलाई ठक्कर दिएर भागेको गाडीको अझै पहिचान खुल्न सकेको छैन ।

    आइतबार बिहान बानेश्वरमा बाटो काट्ने क्रममा डाक्टर प्रभु जोशीलाई अज्ञात गाडीले ठक्कर दिएर भागेको थियो । उनलाई अस्पताल पुर्याए लगत्तै मृत्यु भएको थियो । ७२ वर्षीय डाक्टर जोशी सिभिल हस्पिटल बानेश्वरमा कार्यरत थिए ।

    उनलाई ठक्कर दिने गाडीको आइतबार बिहानैदेखि प्रहरीले खोजी गरेपनि नभेटिएको महानगरीय प्रहरी वृत्त बानेश्वरका डिएसपी दुर्गा रेग्मीले जानकारी दिए । प्रहरीले सिसी टिभी फुटेजका आधारमा गाडीको खोजी गरिरहेको छ ।

    सिसी टिभीको फुटेजबाट ठूलो बसले ठक्कर दिएको देखिएकाले बसको खोजी गरिरहेको डीएसपी रेग्मीले बताए । नम्बरको पहिचान नभए पनि गाडी पत्ता लाग्ने उनको भनाइ छ ।

    प्रहरीले हुलियाका आधारमा एउटा गाडी नियन्त्रणमा लिएको उनले नेपाल समयलाई बताए । यद्यपी सोहि गाडीले ठक्कर दिएको हो वा होइन भन्ने खुल्न सकेको छैन् ।

    जोशीको परिवारले ठक्कर दिने गाडीका चालकलाई पक्राउ गरी कारवाहीको माग गर्दै महानगरीय प्रहरी वृत्तमा जाहेरी दिएको छ ।

    प्रतिकृया दिनुहोस्