Paschim News

  • पश्चिमन्यूज संवाददाता प्रकाशित : २०७५/१२/१ गते
    ६० पटक
    दाङ ।

    दाङ घोराहीको एक होटलमा शुक्रबार विहान एक युवा मृत फेला परेका छन् ।

    घोराही उप–महानगरपालिका–१५ मिलनचोकस्थित रोल्पाली ममता होटलको कोठामा रोल्पा रुम्टीगढी गाउँपालिका–१ , धनाचौरका ३४ वर्षीय सूर्य बाँठ मृत फेला परेका हुन् ।

    दाङका प्रहरी प्रमुख एसपी वेल पाण्डेका अनुसार हिजो राती त्यस होटलमा बसेका बाँठ आज विहान अबेरसम्म नउठेपछि होटल सञ्चालकले ढोका फोरेर हर्दा मृत फेला पारेपछि प्रहरीलाई खबर गरेका थिए ।

    ‘हामी अहिले विहान पुगेर शव पोष्मार्टमका लागि राप्ती स्वास्थ्य विज्ञान प्रतिष्ठानमा शव पुर्याएर आएका छौँ, एसपी पाण्डेले भने –‘पोष्टमार्टम रिपोर्ट आए लगत्तै घटनाको अनुसन्धान अगाडी बढाइने छ ।’

    उनी घोराहीमा अटोरिक्सा चलाउँदै आएका थिए ।

    प्रतिकृया दिनुहोस्