Paschim News

  • पश्चिमन्यूज संवाददाता प्रकाशित : २०७५/११/२७ गते
    १८ पटक

    इथियोपिया बोइंग ७३७ म्याक्स ८ विमान दुर्घटना भएपछि चीनले बोइंग ७३७ म्याक्स ८ को व्यवसायिक उडान बन्द गर्ने घोषणा गरेको छ ।

    चीनको उड्डयन सम्बन्धी निकायले विमानसँग सम्बन्धित सबै कुरा पुष्टि भएपछिमात्र फेरि व्यवसायिक उडान सुरु गर्ने बताएको छ । चीनको आलाबा इथियोपियाले पनि बोइंग ७३७ म्याक्स ८ विमानको उडान बन्द गरेको छ ।

    आइतबार इथियोपियाको राजधानी अदिस अबाबाबाट केन्याको लागि उडेको विमानमा परी एक नेपाली, आठ चालक दलका सदस्यसहित ३० भन्दा बढी देशका १५७ जनाको ज्यान गएको छ ।

    इथियोपिया एयरलाइन्सको यो दोस्रो दुर्घटना हो । यो विमान उडान भरेको केही मिनेट पछि नै दुर्घटनाग्रस्त भएको थियो । गएको अक्टोबर महिनामा बोइंग ७३७ म्याक्स ८ को विमान जावा समुद्रमा दुर्घटनाग्रस्त भएको थियो । जसमा सवार १८९ जनाको ज्यान गएको थियो ।

    प्रतिकृया दिनुहोस्