Paschim News

  • पश्चिमन्यूज संवाददाता प्रकाशित : २०७५/१०/२४ गते
    ३२४ पटक
    सुर्खेत ।

    कर्णाली प्रदेशको राजधानी सुर्खेतमा हुन गइरहेको कर्णाली महोत्सवको तयारीमा जुटेका कलाकार जनक तारामी मगरमाथि खुँडा प्रहार भएको छ ।

    कलाकार मगर माथि बुधबार साँझ साढे ७ बजे पुल ओए कटेजमा अज्ञात समुहले खुँडा प्रहार गरेको जिल्ला प्रहरी कार्यालय सुर्खेतले जनाएको छ ।

    प्रहरीका अनुसार खुँडा प्रहार रोक्न खोज्दा मगरको टाउकोमा गम्भीर चोट लागेको छ भने औँला समेत काटिएको छ । रगताम्य मगरलाई तत्काल उपचारको लागी प्रदेश अस्पताल कालागाँउ लगिएको थियो ।

    त्यहाँ उपचार हुन नसकेपछि उनलाई भारतको लखनउ लगिएको प्रहरीले जनाएको छ ।

    बागिना समुहका अध्यक्ष गोविन्द कोइरालाले आक्रमणको बिरोध गर्दै कलाकारको पूर्ण सुरक्षाको ग्यारेन्टी नहुँदासम्म जिल्लामा हुने कुनै पनि कार्यक्रममा सहभागि नहुने बताए । ‘यो घटनाबाट कलाकारनै असुरक्षित भएका छन् ।

    उनिहरुको हातखुट्टा नै काटिएको छ, सुरक्षाको पूर्ण प्रत्याभूति हुनुपर्छ भन्ने माग हामीले प्रहरी प्रशासन समक्ष गरेका छौँ, ’ उनले भने ।

    प्रतिकृया दिनुहोस्