Paschim News

  • पश्चिमन्यूज संवाददाता प्रकाशित : २०७५/८/११ गते
    ७७ पटक

    नेपाल आइडलबाट नेपालभरी चर्चामा छाएकी मेनुका पौडेल यतिबेला भारतमा पनि ‘नेपाली गुडिया’ को नामले चर्चित बनेकी छिन् ।

    भारतीय रियालिटी शो सारेगमपमा मेनुकाले एकपछि अर्को गर्दै उत्कृष्ट प्रस्तुती दिएकी छिन् । यससँगै उनी शीर्ष ११ मा उक्लिएकी छिन् ।

    शनिबार रातीको एपिसोडमा कुमकुम भाग्य टेलिश्रृङ्खलामा तनुश्रीको भूमिका निभाएकी लिना जुमानी मेनुकाको समर्थनमा उपस्थित भइन् ।

    मेनुकाले हिन्दी फिल्म बाजिराव मस्तानीको गीत मोहे रंग दो लाल गाएकी छिन् । मेनुकाको प्रस्तुतीपछि त्यहाँ उपस्थित सबै जुरी मेम्बर्स र जजले उभिएर ताली बजाए ।

    उनको प्रस्तुतीमा जुरी मेम्बर्सले ९८ प्रतिशत अंक दिए ।

    मेनुका पौडेल सारेगमपको शीर्ष १५ मा
    मेनुकाले उक्त गीत निकै गाह्रो भएकाले सुरुमा आफूलाई गाउन निकै डर लागेको बताइन् । आफ्नो आवाज नै कम सुनेका कारण उक्त गीतलाई सी सार्पमा गाएको उनले जानकारी दिइन् ।

    तीन जजमध्येकी एक ऋचा शर्माले कहिलेकाँही डराउनु नै फाइदा हुने बताइन् । उनले भनिन्, ‘कहिले काँही डराउँदा नै यस्तो प्रस्तुती देख्न पाइन्छ ।’

    मेनुका पौडेल सारेगमपको शीर्ष १३ मा, प्रिटी जिन्टाले गरिन् तारिफ
    ऋचाले मेनुकाको निकै तारिफसमेत गरिन् ।

    यस्तै, अर्का जज साजिदले मेनुकालाई गुडियाजस्तो देखिएको बताए । उनले भने, ‘तपाईंको जति तारिफ गरेपनि कम छ । प्रस्तुतीको अन्तरामा जुन सुर लिनुभयो, त्यो असाधारण थियो । तपाईंले लिइरहनुभएको हर्कत पनि निकै प्रस्ट छ ।’

    भारतीय रियालिटी शोमा जिताउन मेनुका पौडेललाई सहयोग
    यस्तै, शेखरले पनि उनलाई दिन प्रतिदिन बढ्दै गएको बताए । उनले भने, ‘मानिसहरुले मलाई फोन गरेरै तपाईंबारे सोधिरहेका छन्, यो नै सबैभन्दा ठूलो कुरा हो । अब तपाईंको जिम्मेवारी तपाईंको प्रशंसकतिर जान्छ ।’

    कार्यक्रममा तीनै जजले पुनः दोस्रोपटक उभिएर उनको प्रशंसा गर्दै बजाए ।

    उनको समर्थनमा उपस्थित तनुश्रीले पनि मेनुकाले गाएको प्रत्येक शब्दमा आफू हराएको बताइन् ।

    प्रतिकृया दिनुहोस्